Voss herad søkjer fastlege

Legar i rotasjonsordning

Er du spesialist i allmennmedsin eller lege under spesialisering (ALIS) og på utkikk etter nye moglegheiter? Me søkjer etter ein engasjert og fagleg dyktig lege som ynskjer å bli ein del av eit moderne og framtidsretta legekontor. 

Me er inne i ein spennande fase med reorganisering og vidareutvikling av kontoret. Der me har stort fokus på kvalitet, effektiv drift og eit godt tilbod til våre pasienter. Du vil få moglegheit til å væra med og påverka utviklinga av arbeidsplassen. 

Om arbeidsstaden:

Ved Voss legekontor er det  9 fastlegeheimlar, 1 LIS1 lege, 6 sjukepleiarar, 1 helsesekretær og 1 sekretær ved legekontoret.

 I løpet av 2026-2027 skal ein tilbakeføre 2-4 legeheimlar til næringsdrivande fastlegar.

Fastlegane deltek i rotasjon på daglegevakt, som for tida er stasjonert i akuttmottak ved Voss sjukehus.
Voss er vertskommune for eit interkommunalt samarbeid om legevakt i distriktet (Voss IKL). Legevakta er velfungerande og held for tida til i same lokale som akuttmottaket på Voss Sjukehus. Dette gjev eit godt fagmiljø med kompetente legar og sjukepleiarar. Vaktbelastning er per i dag ca. 2-4 vakter i månaden.

Me kan tilby alternativ arbeidsordning. Der du vil ha vekselvis arbeidsbolkar på fire veker kurativt arbeid ved Voss legekontor/ bunden tid og fira veker arbeidsfri/ ubunden tid. Inntill 20% av stillinga kan disponerast til kommunale oppgåver. Du får ei eige fastlegeliste og ein vil væra fråværsassistent for kvarandre i rotasjonsordninga. Fire av vekene er bunden kurativt arbeid ved Voss legekontor og fire veker ubunden tid som vil innehalde ubunden administrasjonstid. Ferie avviklast i samarbeid med friperioden. 

Me tilbyr:

• Lyse, moderne og trivelege lokale
• Eit inkluderande og godt arbeidsmiljø
• Skybasert journalsystem (Webmed) 
• Moglegheita til å bidra aktivt i utviklinga av eit legekontor i positiv retning
• Listetak vert fastsett etter om ein har kommunale oppgåver eller ikkje
• Voss herad er godkjent som utdanningsverksemd , me tilbyr ALIS- avtale med rettleiing og har fokus på kvalitet i tenesta.
• Konkuransedyktige betingelsar med insentiv, med atterhald om politisk godkjenning
• Gode forsikrings- og pensjonsordningar, og elles tilsetjing på vanlege kommunale vilkår.

Kvalifikasjonar:

• Norsk autorisasjon som lege
• Spesialist i allmennmedisin eller lege som har ynskje og interesse for å bli spesialist i allmennmedisin
• Godkjent LIS1 tjeneste i Norge
• Har gode norskkunnskapar både skriftleg og munnleg
• Førarkort klasse B
• Den som vert tilsett må ha rett til å motta trygderefusjon

Me ynskjer deg som:

• Er spesialist i allmennmedsin eller under spesialisering (ALIS)
• Er interessert i allmennmedisin og fagutvikling
• Både er sjølvstendig og arbeidar godt i tverrfaglege team
• Har gode evner til samhandling og ynskjer å bidra til eit positivt arbeidsmiljø
• Er fagleg engasjert og opptatt av pasientbehandling av høg kvalitet
• Er ansvarleg og løysingsorientert
• Er fleksibel og utviklingsorientert

Arbeidsoppgåver:

• Kurativ legeteneste ved Voss legekontor
• Dokumentering i Webmed journalsystem
• Deltaking i opplysnings- og folkehelsearbeid
• Kvalitetsforbetring og utviklingsarbeid
• Deltaking i daglegevaktsordning lokalt for Voss herad i tillegg til vakter ved Voss interkommunale legevakt

Godkjend politiattest må leggjast fram før tiltreding i stillinga.
Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustadseller arbeidskommune for kvar søkjar.
I fylgje offentlegheitslova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Ver venleg og last opp vitnemål og attestar som vedlegg til søknaden