Spesialrådgjevar/lege - kliniske studiar

Vil du bidra til at kliniske studiar blir ein naturleg og integrert del av den daglege pasientbehandlinga? Helse Bergen søkjer ein strategisk rådgjevar som skal styrkje sjukehuset si satsing på utprøvande behandling, i tråd med nasjonale målsetjingar og handlingsplanar.

Stillinga er plassert i FoU-avdelinga, under Forsking og innovasjon. Her blir du ein del av eit tverrfagleg kompetansemiljø som yter støtte og rådgjeving til leiinga, forskingsgrupper og enkeltforskarar.

Med utgangspunkt i sjukehuset sitt regionale oppdrag for kliniske studiar, får du ei sjølvstendig nøkkelrolle. Du vil jobbe overordna med å sikre gode rammevilkår for forskinga, byggje kultur, og bidra til at fleire pasientar får tilbod om deltaking i kliniske studiar.

Stillinga er lyst ut som ei 100 % stilling, men det kan vurderast å dele stillinga i to 50 % stillingar for å ha moglegheit til å kombinere med klinisk arbeid.

Arbeidsoppgåver

• Fungere som medisinsk monitor med medisinskfagleg ansvar for sikkerheitsovervaking i utvalde kliniske studiar. Dette inkluderer løpande risiko-/nyttevurderingar, handtering og styresmaktsrapportering av alvorlege uønskte hendingar (SAE/SUSAR), samt utarbeiding av sikkerheitsrapportar og rådgjeving overfor utprøvarar
• Initiere tiltak som styrkjer forskings- og innovasjonskulturen, herunder å etablere prosessar for at pasientar systematisk blir vurderte for, og informerte om, deltaking i kliniske studiar
• Arbeide for å sikre gode rammevilkår og ressursar for studiane, utgreie aktuelle saker til leiinga og følgje opp styringsindikatorar for forskingsaktiviteten
• Etablere og vidareutvikle strategiske partnarskap med industri og helsenæring, og representere sjukehuset i møte med styresmakter og nasjonale/internasjonale forskingsmiljø
• Andre oppgåver i Forsking og innovasjon

Kvalifikasjonar

• Norsk autorisasjon som lege, og erfaring med kliniske studiar
• God forståing for helsesystemet og samspelet mellom klinikk, forsking og administrasjon
• Erfaring med strategisk arbeid eller forbetringsprosessar er ønskeleg
• God skriftleg og munnleg framstillingsevne på norsk og engelsk

Personlege eigenskapar

• Strategisk og analytisk, med god gjennomføringsevne
• Gode samarbeids- og kommunikasjonsevner
• Evne til å arbeide sjølvstendig og strukturert i ein kompleks organisasjon
• Initiativrik og utviklingsorientert

Vi tilbyr

• Moglegheit til å påverke og utvikle rammevilkåra for kliniske studiar
• Eit sterkt tverrfagleg miljø med høg kompetanse
• Gode moglegheiter for fagleg og personleg utvikling
• Lønn etter avtale

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Arbeidsstad

Nøkkelinformasjon: