Fagansvarleg lege - Øyane Helsehamn

Vil du vere med og vidareutvikle eit moderne storlegekontor med vekt på godt fagmiljø, kvalitet og samhandling?

Øyane Helsehamn i Bømlo kommune søkjer fagansvarleg lege i 50% fast stilling.

Stillinga er ei nøkkelrolle i legetenesta med fagansvar og eit utvida ansvar for oppfølging av legevikarar. Stillinga har òg medansvar for rekruttering og stabilisering av legestaben, og fungerer som bindeledd mellom legetenesta og andre kommunale helsetenester.

Oppstart etter avtale.

Arbeidsoppgåver

Arbeidsoppgåver – fagansvarleg lege

• Fagleg rådgjevar for leiinga i medisinskfaglege spørsmål.
• Bidra til utvikling og oppfølging av kvalitetssystem og faglege prosedyrar.
• Gi råd om prioritering av medisinteknisk utstyr og faglege behov.
• Koordinere kollegial fråværsdekning og bidra til oversikt (inkl. ferie).
• Formidle og følgje opp nasjonale føringar og faglege retningsliner.
• Bidra til kompetansetiltak og internundervisning i samarbeid med leiing.

Utvida ansvar – Øyane Helsehamn

• Systematisk planlegging og oppfølging av legevikarar og nytilsette legar.
• Bidra i rekruttering og stabilisering av legar i samarbeid med leiing.
• Vere bindeledd mot andre kommunale helsetenester og bidra til gode og praktiske pasientforløp.
  

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast.

Kvalifikasjonar

Krav:

• Norsk autorisasjon som lege.
• Spesialist i allmennmedisin.

Ønska kompetanse: 

• Relevant klinisk erfaring frå fastlegepraksis, kommunehelseteneste og/eller legevaktsarbeid.
• Erfaring med rettleiing, kvalitetsarbeid, fagutvikling eller rekruttering er ein fordel.

Personlege eigenskapar

• Trygg fagleg rolleforståing og god vurderingsevne.
• Strukturert, gode samarbeidsevner og evne til å skape felles retning og gode arbeidsprosessar.
• God munnleg og skriftleg kommunikasjonsevne.
• Evne til å støtte og følgje opp kollegaer på ein inkluderande og profesjonell måte.
• Løysingsorientert, fleksibel og utviklingsorientert.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Vi tilbyr

• Ei sentral rolle i vidareutvikling av legetenesta og storlegekontoret.
• Høve til å påverke fagmiljø, kvalitet og samhandling.
• Eit godt arbeidsmiljø med høg fagkompetanse og trivelege arbeidskollegaer.
• Tett samarbeid med leiing og fagmiljø i kommunen.
• Fleksibel arbeidstid.
• Løn etter avtale.
• Som tilsett får du tilbod om medlemskap i velferdsklubb som gjev tilsettegoder.

Andre opplysingar

• Det vert stilt krav om politiattest ved tilsetjing etter Helse og omsorgstenestelova § 5.4. 
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.
  
  Synest du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar som stadfestar tidlegare arbeidsforhold. Ved førespurnad må du kunna skaffa bekrefta kopiar av dokumentasjonen din.
  
  Dersom du har spørsmål om stillinga og rekrutteringsprosessen, ta kontakt med Monica Tofte Amundsen, verksemdsleiar i legetenesta.
  

Kontaktinformasjon

Arbeidsstad

Nøkkelinformasjon: