Ekstern annonse

Lege i spesialisering i radiologi

AVDELING FOR RADIOLOGI ÅLESUND OG VOLDA, Helse Møre og Romsdal HF - Møre og Romsdal
Åsehaugen 5, 6017 ÅLESUND
Fast Lege i spesialisering Heltid Søknadsfrist: 10. Mai 2026

Er du klar for å bli med på laget ved radiologisk avdeling ved Ålesund sjukehus? Vi har ledig ei fast 100% stilling som lege i spesialisering i radiologi. Oppstartsdato etter avtale med seksjonsleiar.

Som lege i spesialisering hos oss vil du ha ei nøkkelrolle i mange pasientforløp knytt til både diagnostikk og behandling. Radiologi som fagområde veks raskt, og vi er på veg inn i ei tid der ny teknologi gir oss uante moglegheiter!

Ålesund sjukehus er det mest spesialiserte sjukehuset mellom Bergen og Trondheim. Hos oss vil du få erfaring med avansert diagnostikk og intervensjonar innan CT, MR, ultralyd og konvensjonell røntgen. Ved brystdiagnostisk senter har vi tett samarbeid mellom radiologi og kirurgi, og vi utfører både generelle og avanserte inngrep i vår moderne angio-/intervensjonslab. Vi har 8 LIS-stillingar og 13 overlegestillingar. Frå 2025 vil overlegestillingane utelukkande vere besette av eigne, faste tilsette. Overlegane våre utgjer ei inkluderande og fagleg engasjert gruppe som bidreg til gode spesialiseringsløp for våre LIS. Fleire av legane har doktorgrad, så tilhøva ligg til rette for forskingsaktivitet for tilsette som ønskjer dette. Vi har allereie ein LIS som startar hos oss i 2026. Vil du vere med i gjengen?

Ved å velje Radiologi Ålesund får du ein variert og spennande arbeidskvardag. Du vil få tildelt ein dyktig rettleiar, og det blir utarbeidd ein individuelt tilpassa opplæringsplan for dei første to månadene før du går inn i sjølvstendige vakter. Du vil bli godt ivareteken, med jamleg oppfølging frå både rettleiar og leiar.

Kan dette vere noko for deg? Ta gjerne kontakt for ein uforpliktande prat eller eit besøk!

Det er ønskjeleg med snarleg tilsetjing, men om du ikkje har høve før hausten 2026 vil vi likevel at du legg inn ein søknad. Intervju av søkjarar vert gjort fortløpande.

Vi ber om at attestar og vitnemål vert lasta opp som vedlegg til søknaden/CV.

Arbeidsoppgåver

  • Utføre og tolke radiologiske undersøkingar, med rotasjon mellom ulike fagområde basert på kompetanse og behov
  • Delta i vaktordning med tilstadeverande teneste 24/7, med overlege som bakvakt (heimevakt om natta)
  • Bidra i akuttberedskap og handtering av akutte funn
  • Delta i intervensjonsradiologiske prosedyrar
  • Bidra til fagleg utvikling og kvalitetsarbeid i avdelinga
  • Delta i internundervisning og faglege møte
  • Bidra/delta til forsking og utviklingsarbeid ved interesse
  • Delta i tverrfagleg samarbeid med kliniske avdelingar for å sikre optimal diagnostikk og gode pasientforløp

Det er gode moglegheiter for gjennomføring av gruppe 1-teneste ved St. Olavs hospital, Oslo universitetssjukehus eller andre universitetssjukehus.

Kvalifikasjonar

  • Norsk autorisasjon som lege
  • Gjennomført LIS1 (eller turnusteneste etter tidlegare ordning)
  • Erfaring frå radiologi er ein fordel, men ikkje eit krav
  • Gode norskkunnskapar, både skriftleg og munnleg

Personlege eigenskapar

  • Fagleg engasjement, motivasjon for læring og evne til kontinuerleg utvikling
  • Gode samarbeidsevner og evne til å bidra positivt til arbeidsmiljøet, samt trivsel i tverrfaglege team
  • Gode kommunikasjonsevner og strukturert arbeidsform
  • Personleg eignaheit vil bli tillagt stor vekt ved tilsetjing

Vi tilbyr

  • Eit sterkt fagmiljø med tett tverrfagleg samarbeid
  • Ein inkluderande arbeidsplass med fokus på trivsel og utvikling
  • Gode moglegheiter for fagleg vekst og spesialisering
  • Løn etter gjeldande overeinskomstar
  • Medlemskap i offentleg pensjonsordning og gode forsikringsvilkår

Ålesund:
Ålesundsregionen er eit eldorado av fjell og sjø og byr på varierte naturopplevingar i fritida. Byen har òg eit rikt kulturliv. Flyplassen ligg sentralt, om lag 25 minutt frå sjukehuset, og har fleire daglege avgangar til ulike destinasjonar, både innanlands og utanlands. Les meir om Ålesund her.

Kontaktinformasjon

Gulay Kar, Avdelingssjef, gulay.kar@helse-mr.no

Arbeidssted

Åsehaugen 5
6017 Ålesund

Nøkkelinformasjon:

Arbeidsgiver: Helse Møre og Romsdal HF

Referansenr.: 5106331204
Stillingsprosent: 100%
Fast
Søknadsfrist: 10.05.2026

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Akuttsjukehusa i HMR er i Volda, Ålesund, og på Hjelset i Molde kommune. I SNR Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.


Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal 


Søk på stillingen
Del stillingen
Kontaktinformasjon

Gulay Kar
Avdelingssjef

gulay.kar@helse-mr.no

www.helse-mr.no

Stillings-ID: 90d87acb-7cd6-4f26-aafe-cd77f827f516